اس بار صرف ۹؍مسلم امیدوار ایم ایل اے منتخب ہوئے

ناندیڑ: ۲۰؍اکتوبر (اعتماد نیوز)مہاراشٹر اسمبلی کی ۲۸۸؍نشستوں میں صرف ۹؍نشستوں میں مسلم امیدواروں نے کامیابی حاصل کی ہے ۔ گزشتہ اسمبلی چناؤ کے مقابلے اس بار کم تعداد میں مسلم ایم ایل اے منتخب ہوئے ہیں ۔ مالیگاؤں حلقہ سے کانگریس کے امیدوار محمد آصف رشید منتخب ہوئے ۔ انہوں نے موجودہ ایم ایل اے مفتی اسماعیل کو شکست دی ۔ مانخورد حلقہ سے ابو عاصم اعظمی سماجوادی کے ٹکٹ پر دوبارہ منتخب ہوئے ہیں ۔راشٹروادی کے لیڈر حسن مشرف دوبارہ منتخب ہوئے ۔ سلوڑ حلقہ سے کانگریس کے عبدالستار جبکہ ممبئی کے چاندیولی سے کانگریس



کے عارف نسیم خان اور ممبئی کے ملاڑ سے اسلم شیخ ، ممبادیوی حلقہ سے کانگریس کے امین پٹیل یہ دوبارہ منتخب ہوئے ہیں ۔ کانگریس کے موجودہ رکن اسمبلی بابا صدیق باندرہ حلقہ سے ہار گئے ۔ جبکہ راشٹروادی کے لیڈر نواب ملک انو شکتی نگر سے اور باباجانی درانی پاتھری سے چناؤ ہار گئے ہیں ۔ مجلس کے امیدوار امتیاز جلیل اورنگ آباد سینٹرل اور مجلس کے وارث پٹھان بائیکلہ سے منتخب ہوئے ہیں ۔ اس طرح سے کانگریس کے۵، مجلس کے ۲، این سی پی کے مسلم لیڈروں نے چناؤ میں کامیابی حاصل کی ہے ۔ اس طرح سے اس بار صرف ۹؍مسلم ایم ایل اے ہی منتخب ہوئے ہیں ۔